ملتقي طلاب كليه الاداب جامعة المنيا

كلية الاداب ترحب بكم


    مشاهد فى حياتنا

    شاطر
    avatar
    بسنت

    عدد المساهمات : 31
    نقاط : 82
    السٌّمعَة : 0
    تاريخ التسجيل : 11/10/2009
    العمر : 26

    مشاهد فى حياتنا

    مُساهمة  بسنت في الإثنين 12 أكتوبر 2009, 5:58 am

    مشاهد في حياتنا: مشهد1 : لما تدخل اى محل وتلاقى علب سجاير محطوطة على رف كبير ورا الراجل اللي بيحاسبك إيه أول حاجه بتلاحظها 1- في أنواع كتيره طلعت من السجاير2-كل علبه سجاير مكتوب عليها العبارة الشهيرة اللي كلنا عارفنها(التدخين ضار بالصحة) 3- لو قعدت مع الراجل صاحب المحل تحكى معاه شويه لازم تلاقى مش اقل من أتنين تلاته جاييين شتروا سجاير وكل واحد يطلب نوع معين ومش بعيد صاحب المحل يولع سجاره ويعزمك على واحده ولو قلتله(شكرا مابدخنش)تلاقيه يرد عليك يقولك(بقى ده اسمه كلام برضه امسك ياراجل ماتكسفنيش)تضطر آسفا تخدها وتشيلها في جيبك أو تمسكها ولما تمشى من عنده ترميها لأنك مش هترضى تديها لحد يشربها لأنك كده هتضره وتاخد سيئات لأنك كده بتساهم في انك تموته أو تجيب له سرطان
    مشهد2:
    وللأسف موضوع السجاير ده تعدى الشباب والرجال ووصل للبنات والفتيات الرقيقات رقيقات اييييييييييييه دول بقوا معلمين ياعم والواحدة إن مابقاش صوتها عالي ومنعكشه شعرها والسجاره في أيديها اوقاعده في المول والشيشة جنبها ماتبقاش بنوته لازم تبقى جريئة وتجرب كل حاجه علشان تثبت إن الولد زى البنت طيب يا ستى الأولاد بيعملوا حاجه غلط تقليديه ليه بس ما تخليكى في حالك أو يمكن عايزه تثبت أنها بنوته روشه الله اعلم
    مشهد3:
    أما الأولاد بيشربوا السجاير رجولة وعلى غرارها ظهر إعلان "استر جل واشرب بيريل" الولد فاكر انه لو ماشربش سيجاره مش هيبقى راجل بس هيبقى بنوته بس بتوع زمان مش بتوع دلوقتى دلوقتى مابقاش في بنات هو يعنى لوماشربش سيجاره اوبيريل هيبقى بنوته لا طبعا بس يمكن آه في نظر الشباب الرجالة اللي استر جلوا وشربوا بيريل

    مشهد4: طب بداية شرب السجاير تقليديه جدا بس خطيرة جداااااااا وهم "الأصحاب"مش هتعرف معناها نقولها بلغه تانيه"الانتيم" أوyour friends أكيد فهمتموها دلوقتى وخصوصا اللي بيبقوا لسه داخلين الكلية جديد نصيحة أخويه خدوا بالكم من أصحابكم لازم تكون عارف شخصيه اللي قدامك وأخلاقه قبل ما تتصاحب عليه ماتستعجلش وتاخده كانتيم وتتخدع في الأخر وتتضرب على افاك \نقى الكويسين وشوف مين فيهم حاسس انه قريب من طباعك وصاحبه بس الاختيار والدراسة وتحديد شخصيات الناس اللي معاك كل ده في دماغك أوعى تطلعه بره أوعى تروح لواحد وتقوله أنت كويس بس أنت مش زى طباعي مش هاينفع أصاحبك هتلاقيه بصلك فاتح بقه ومش فاهم وهيمشى ويسيبك ومش هايكلمك تانى إنما أيه الصح بعد ما تتأكد انك اخترت صحبك الكويس واللي على خلق صرح له بمشاعرك من ناحيتك ليه وتأكد انك مش هاتندم الناس هيقولوا عليك عبيط ده مش بيصاحب حد نفض وخليك في حالك هما كده الكويسين دايما يطلع عليهم كلام وحش
    يارب يعجبكم الموضوع وعلى فكره دى أول مره اكتب موضوع فاكتبوا تعليقاتكم وكمان انتقاداتكم من حيث طريقه الكتابة وشكرا

    saudi
    Admin

    عدد المساهمات : 122
    نقاط : 1369
    السٌّمعَة : 0
    تاريخ التسجيل : 10/10/2009

    رد: مشاهد فى حياتنا

    مُساهمة  saudi في الثلاثاء 13 أكتوبر 2009, 12:13 am

    شكرا علي موضوعك بسنت
    وفعلا دي مشكله كبيره
    والكل بقئ فيها من اولاد صغيره ورجاله وبنات وانا كنت كاتب بيتين شعر بالعاميه عن السيجاره بس مش فاكرهم دلوقت
    avatar
    journalist

    عدد المساهمات : 1
    نقاط : 1
    السٌّمعَة : 0
    تاريخ التسجيل : 19/10/2009
    العمر : 27

    رد: مشاهد فى حياتنا

    مُساهمة  journalist في الإثنين 19 أكتوبر 2009, 6:00 pm


    الموضوع فعلا جامد ومحتاج واقفه من ناس كتير بس مش دي القضيه القضيه هيه ان لو كل واحد عمل لنفسه مبادئ واتمسك بيها هيكون ده افضل بحيث ان البنت تكون بنت والولد يكون ولد والافضل من ده كله اننا منعملش حاجه تغضب ربنا لاننا بنعيش في عصر اي حاجه تمشي بنات في ولاد ودنيا بايظه مع العلم ان انا بدخن وبحاول ابطل التدخين وعمري ماعلمت حد التدخين او فكرت اضر حد وربنا يتوب عليا منه بس بجد اسلوبك رائع وممتازه واتمني لك مستقبل عظيم شكرا جدا يا بسنت
    [center][right]
    avatar
    بسنت

    عدد المساهمات : 31
    نقاط : 82
    السٌّمعَة : 0
    تاريخ التسجيل : 11/10/2009
    العمر : 26

    رد: مشاهد فى حياتنا

    مُساهمة  بسنت في الأربعاء 21 أكتوبر 2009, 2:42 am

    اولا شكرا على ردك الجميل وواضح انك بتعرف تتكلم كويس لان ردك جامد واتمنى انك السجاير واحنا هتبطل نا بنشجعك على انك تبطلها وشكرا تانى
    avatar
    بسنت

    عدد المساهمات : 31
    نقاط : 82
    السٌّمعَة : 0
    تاريخ التسجيل : 11/10/2009
    العمر : 26

    رد: مشاهد فى حياتنا

    مُساهمة  بسنت في الأربعاء 21 أكتوبر 2009, 2:57 am

    شكرا ياسعودى لمرورك وياريت تفتكر بيتين الشعر اللى انت كنت كاتبهم وتنزلهم انا ماكنتش اعرف انك بتكتب شعرهههههههههههه
    avatar
    نورين

    عدد المساهمات : 89
    نقاط : 130
    السٌّمعَة : 0
    تاريخ التسجيل : 08/12/2009
    العمر : 24

    رد: مشاهد فى حياتنا

    مُساهمة  نورين في الأربعاء 09 ديسمبر 2009, 2:23 am

    الحاجات دي بتحصل فعلا
    للاسف ولكن انا بقول احنا مش هانصلح الكون
    تقبلي مروري
    avatar
    بسنت

    عدد المساهمات : 31
    نقاط : 82
    السٌّمعَة : 0
    تاريخ التسجيل : 11/10/2009
    العمر : 26

    رد: مشاهد فى حياتنا

    مُساهمة  بسنت في الأربعاء 09 ديسمبر 2009, 2:30 am

    نورين انتى عندك حق بس ليه احنا ما نصلحش الكون احنا لو مشينا صح يبقى اكيد هنقدر نصلحه بس لما نصلح من نفسنا الاول وبعدين نصلح الكون وياريت كلنا نقدر نبقى كويسين علشان نقدر نصلح وشكرا على مرورك الجميل جداااا
    avatar
    fire storm

    عدد المساهمات : 37
    نقاط : 52
    السٌّمعَة : 0
    تاريخ التسجيل : 06/01/2010

    رد: مشاهد فى حياتنا

    مُساهمة  fire storm في الجمعة 08 يناير 2010, 4:23 pm

    ناييس توبيك
    avatar
    ahmed khaled

    عدد المساهمات : 38
    نقاط : 48
    السٌّمعَة : 0
    تاريخ التسجيل : 29/12/2009
    العمر : 25
    الموقع : el minia , egypt

    رد: مشاهد فى حياتنا

    مُساهمة  ahmed khaled في الأحد 14 مارس 2010, 9:18 pm

    للاسف

      الوقت/التاريخ الآن هو السبت 16 ديسمبر 2017, 5:32 am