جزمة الكرامة ( رد على الأبنودى )

أنا طبعا أقل بكتير من إنى أرد على الشاعر النابغ الكبير الأبنودى
بس دا مجرد رد على إحدى قصائده أنا كتبتها بعد حادث الصحفى العراقى " منتظر الزيدى "
أنا ماعرضتهاش فى أى مكان تانى
وحبيت يكون لمنتدانا " منتدى كلية الآداب الأولوية بيها "
أتمنى أن تنول إعجابكم

شفت بقى يا خال منتظر وجزمة الكرامة ،
إذاى جاوب سؤالنا
لا إحنا نايمين ولا فى الضل قاعدين
إحنا بس مش لاقيين إلى يساندنا
إلى يأخد بإيدنا وباليهود يوجهنا
فينا شجاعة وقوة بس حكومتنا بتكلنا
ومن كتر ما ضحكوا علينا بوعود
نمنا فى العسل وإنشغلنا بهمومنا
من كتر ما سكتوا وصحبوا أعداءنا
قلنا دول أكبر ويفهموا عنا
قالولنا دى سياسة وبكرة هتحلى
بينا وبينهم مصالح إذا نعيش إحنا
وكل ما نقول هانت تطلع لنا حجة
تعديها بمزجنا وهنعمل ايه إحنا
وأدى حذء منتظر يسلم دا شرفنا
معلش هو إتوسخ لكن رفع راسنا
وما هو أصل عم بوش فاكرنا مين إحنا
بعد ماخربها ، جاى بيعتذر فاكر كدا ارتحنا ؟!
هو عاكس بنت الجيران ولا سرق جزمة
دا خرب كل الديار وكفاية صدامنا
أعجز عن أى كلام لك يا بطل العراق
والله راجل هومان ريحت قلوبنا
أجمد بقى يا بطل وخليك صبور
بحلف بكل شهيد لنحط إيد فى ايد ونخرج بطلنا
هيقولوا تبع حزب ايه ، ماعرف وجماعة ايه
بعدين دا إرهابى وياما الكلام هيطول
خلاص دا كلام عشناه مع كل بطل شفناه
خليهم كدا خيبين ما تعرف يمكن خايفين
هما بقى عارفين
شكرا يا منتظر يا بطل يا أبو الشهامة
وأشكر لنا كمان جزمة الكرامة
خليك فاكر يا خال دى لسه بس البداية
لسه فيه منتظر ولسه فى شهامة

مع إخلاصى ،
بنت الريف

شكرااااااااااااااا
بجد نورت القصيدة بمرورك
ربنا يوفقك